چہ میارجل ءِ ھالرسانی بنجاہ ءِ نیمگ ءَ : مکسود دھمیری یک لچہ کارے ءُ لچہ کاری ءِ سِنچ چہ پِت ءَ رس اِتگ ئِے ، آئی ءِ لچہ کاری اندری گپ ، آشکانہ ءُ مچانکی ءُ اِرپانی اَنت ، مکسود دھمیری کہ بلوچانی پجاہ آورتگیں لچہ کارے کہ سال ءِ 1388 ءِ گڈسر ءَ اِے پڑ ءَ گامگیج ئِے زرتگ ، ماں بلوچستان ءِ روبرکت ءَ بمپور ءَ ودیگ بوتگ ۔
اِے بلوچ لچہ کار ءَ کہ لچہ کارے ءِ یک دپترے کہ نام ئِے "عسل بانوی من" اِنت ءُ اِے روچاں پہ وتی دومی دپتر ءِ چاپگ ءِ چِست ءُ اِیر ءَ اِنت کہ چاپگ ءِ بنداتی کار بوتگ اَنت ءُ زوت ءَ زوت شِنگ کنگ بیت اِنت ۔
آ وت ءَ مِھر گُش ءُ اِرپان گُشیں لچہ کارے زانت ءُ اِے میانجی ءَ ھم دستے ماں مچانکی لچہ ءُ چاگرد ءِ مچانکی نگیگیانی سر ءَ ھم ھست اِنت ئِے ءُ اِے باور ئِے ھست کہ لچہ ءُ لبزانک دوستی ءُ براتی ءِ زبان اَنت ءُ آ چیزے کہ ازم ءُ لبزانک ءَ داں مرچی ماں بلوچستان ءَ پیش کپتگ شرین ءُ جوانیں پیش آمدے بوتگ کہ لچہ ءُ لبزانک ءِ دنیا ءَ گلانی کارست پُر سِیت ءُ مزن بستار اِنت کہ آیانی سوب ءَ جوانیں پترے پچ کنگ بوتگ کہ گلتاک ءُ پلیوار ءُ مھتاب ءُ ماھکان ءِ ادبی گل ھم اِے شاھدی ءَ دات کنت ۔
محمدیاسین جلالزهی